Шетелдік клубты жаттықтыратын қазақстандық бапкер бесінші трофей ұтып алды
Владимир Чебурин жаттықтыратын "Судува" футбол клубы Литва кубогын жеңіп алды, - деп хабарлайды Vesti.kz.
Турнир финалында "Судува" футболшылары "Банга" командасын 4:0 есебімен ойсырата ұтты. Жеңімпаздар сапында қарағандылық "Шахтердің" бұрынғы форварды Михрет Топчагич дубль жасады. Сонымен бірге, бұл матчте "Судува" үшін "Ертістің" бұрынғы футболшысы Семир Керла да ойнады.
"Судуваны" 2016 жылдан бері жаттықтыратын Чебурин үшін бұл бесінші трофей. Мұның алдында ол командамен Литваның екі чемпионаты мен екі Суперкубогын ұтқан.