Бүгін, 21 қарашаға қараған түні Еуро-2024 турниріне іріктеудің оныншы турында Словения мен Қазақстан құрамалары матч өткізеді, деп хабарлайды Vesti.kz.
Любляна қаласында өтетін кездесу Астана уақытымен 01:45-те басталады. Ойынды Qazsport тікелей көрсетеді. Сонымен бірге, матчтің интернет-трансляциясын телеарнаның ресми сайтынан тамашалауға болады.
Бұл матч алдында Словения құрамасы 19 ұпаймен Н тобында екінші тұр, ал Қазақстан 18 баллмен словениялықтарды өкшелеп келеді. Бұл топта бірінші орындағы Дания 22 ұпаймен Еуроның финалына жолдама алып қойды.
Еуро-2024 турнирінің келесі кезеңіне әр топтан тек алғашқы екі команда шығады.