"Шериф" сенсациясы мен Мессидің бірінші голы. Чемпиондар лигасының сегіз ойыны өтті
Чемпиондар лигасы топтық кезеңі екінші турының сегіз ойыны өтті, деп хабарлайды Vesti.kz. Бұл турда өзіндік сенсация да болды.
Осылайша, молдовалық "Шериф" Мадридте өткен ойында "Реалды" 2:1 есебімен ұтты. Жеңімпаздар сапынан Джасурбек Яхшибоев (25-минут) және Себастьян Тилль (90) гол салды. Алаң иелерінен Карим Бензема (65-минут, пенальтиден) допты қақпаға дәл бағыттай алды. Осылайша, бұл турнир дебютанты алты ұпаймен топта көш бастады.
А квартетінде франциялық "Пари Сен-Жермен" өз алаңында "Манчестер Ситиді" ұтты - 2:0. Гол салғандар Идрисса Гуэй (8-минут) және Лионель Месси (74). Бұл аргентиналықтың жаңа клуб үшін салған бірінші добы. Сонымен қоса, ПСЖ алғаш рет "МанСитиді" ұтып отыр.
Германиялық "Лейпциг" өз алаңында бельгиялық "Брюгге" командасына есе жіберді, есеп 1:2. Алаң иелерінен Кристофер Нкунку (5-минут) салған допқа, бельгиялықтар Ханс Ванакен (22-минут) және Матс Ритстің (41) голымен жауап берді.
B тобында англиялық "Ливерпуль" сырт алаңда "Портуды" 5:1 есебімен ойсырата ұтты. Алаң қонақтарынан Мохамед Салах (18 және 60-минут), Садио Мане (45) және Роберто Фирмино (77, 83) гол соқты. Португалиялықтардан Мехди Тареми 75-минутта бір гол сала алды.
Осы топтың өзге ойнында италиялық "Милан" өз алаңында мадридтік "Атлетикодан" ұтылды - 1:2. "Милан" сапынан голды Рафаэл Леау (20-минут) салды, ал қарсыластарынан Антуан Гризманн (84-минут) және Луис Суарес (90+7, пенальти) гол соқты.
Загрузка матч-центра...
Жарнама