Бүгін, 10 тамызда қарағандылық "Шахтер" Конференция лигасы іріктеуінің үшінші раунды аясында өз алаңында украиналық "Колоспен" ойнайды, деп хабарлайды Vesti.kz.
Матч "Астана Аренада" өтеді, басталуы 20:00-де. Qazsport ойынды тікелей эфирде көрсетеді. Трансляция мына сілтеме арқылы қолжетімді.
Еске салайық, Украинада өткен бірінші кездесуде есеп ашылмай, командалар тең түскен.
Жеңіске жеткен жағдайда "Шахтер" Конференция лигасының плей-офф кезеңіне шығады да, "Спартак" (Трнава) - "Маккаби" (Тель-Авив) жұбының жеңімпазымен ойнайды.