Италия құрамасы 2022 жылығы әлем чемпионаты жартылай финалындағы өтпелі матчте Солтүстік Македониядан ұтылып қалды, деп хабарлайды Vesti.kz.
Палермодағы "Ренцо Барбера" стадионында өткен кездесу 1:0 есебімен аяқталды. Шешуші голды 90+2-минутта Александар Трайковски салды.
Осылайша, Италия әлем чемпионатына қатыса алмайтын болды. Топтық кезеңде Роберто Манчини жаттықтыратын команда Швейцарияны алға жіберіп, екінші болды.
Ал Солтүстік Македоня өтпелі матчтердің финалында Португалиямен ойнайды - 29 наурыз Портуда.
Айта кетейік, Италия 2018 жылы Ресейде өткен әлем біріншілігіне де қатыса алмаған еді.