"Цинциннати" командасы Лионель Месси өнер көрсететін "Интер Майамимен" өз алаңында ойнаған MLS тұрақты чемпионаты аясындағы матч аяқталды, деп хабарлайды Vesti.kz.
Кездесу Цинциннати қаласындағы "TQL Стэдиум" стадионында өтті және алаң иелерінің пайдасына 3:0 есебімен аяқталды. Жеңімпаздар сапынан Эвандер дубль жасады (50, 70-минут), тағы бір голды Херардо Валенсуэла (16-минут) соқты.
Месси алаңда толық матч ойнады, алайда нәтижелі әрекетпен көзге түсе алмады. Айта кетсек, аргентиналық шабуылшы бұған дейінгі бес матчта қатарынан бес дубль тіркеген еді.
Осы маусымда Месси MLS аясында 17 матчта 16 гол соғып, 6 нәтижелі пас берді.
"Интер Майами" үшін бұл матч MLS-тегі қатарынан бес матч ұтқан жеңіс сериясының үзілу болды. Ал "Цинциннати" соңғы алты матчтың бесеуінде ұтып отыр.