"Роналдудың рекордты жаңартуы – мен үшін үлкен абырой". Ұлттық құрамалар арасындағы рекордшы португалиялықты құттықтады
Футбол тарихында ұлттық құрамалар арасында ең көп гол соққан шабуылшы Криштиану Роналдуды құттықтады деп хабарлайды Vesti.kz. 1993-2006 жылдары Иран сапында 149 ойында қарсылас қақпасына 109 гол салған Али Даеи бұл жайлы инстаграм парақшасында жазды.
"Менің жетістігіме Роналдудың жеткеніне қуаныштымын. Ол әлем халқын аузына қаратқан ұлы ойыншы. Алдағы уақытта жеке рекордымды Криштианудың бұзатынына ризамын. Тек қана алға, Роналду!"
Еске салсақ, Криштиану Роналду Еуро-2020 турнирінде Португалия мен Франция кездесуінде дубль авторы атанып, ұлттық құрамадағы голдар санын 109-ға жеткізді. Осы орайда айта кетейік, әлемнің үздік шабуылшыларының бірі Португалия жейдесіндегі алғашқы ойынын 2003 жылы Қазақстан ұлттық құрамасына қарсы өткізген.
Загрузка матч-центра...
Жарнама