Америкалық "Интер Майами" шабуылшысы Лионель Месси Сауд Арабиясы чемпионатына ауысуы мүмкін, деп хабарлайды Vesti.kz порталы Sport.es сайтына сілтеме жасап.
Мәлімет бойынша, саудиялықтар аргентиналық шабуылшыны 2024 жылдың ақпанына дейін, яғни МЛС-тің жаңа маусымы басталғанша жалға алу мүмкіндігін қарастыруда.
Еске салайық, 8 қазанда "Интер Майами" командасы "Цинциннатиден" ұтылды - 0:1. Осылайша, команда плей-офф кезеңіне жете алмады. Осыған байланысты Месси ұзақ демалысқа шыға алады.
Месси биылғы маусымда "Интер Майами" үшін 13 матчте ойнап, 11 гол салды және бес ассист жасады.