Роналду төрешіге жұдырық сермемек болды

"Әл-Наср" командасының шабуылшысы Криштиану Роналду Сауд Арабиясы кубогының жартылай финалында алаңнан қуылды. Оны бас төреші ойындағы келеңсіз қылығы үшін жазалады. 

Ойын кезінде португалдық футболшы "Әл-Хилал" командасының қорғаушысы Ренан Лодимен қақтығысып қалды. Шынтағымен қарсыласын ұрғаны үшін Роналду 86-минутта тікелей қызыл қағаз алды. 

I SIMPLY GIVE UP! I CAN'T TAKE THIS CORRUPTION ANYMORE! MESSI STRANGLES AND FIGHTS AGAINST RIVAL PLAYERS EVERY WEEK AND THE REF DOES NOTHING! CRISTIANO RONALDO DIDN'T EVEN TOUCH THE AL HILAL PLAYER! HOW DID VAR NOT CORRECT THIS! THERE IS NO EXCUSE! pic.twitter.com/Ip2izUG6xZ

— LLF (@laligafrauds) April 8, 2024

Қызыл қағаз көрсеткен төрешіге Роналду жұдырығын түйді. Шүйліге барып наразылығын айтқанмен, бас қазының шешімі өзгерген жоқ. Ал жұдырық түйгені телекөрсетілім кезінде анық көрінді. Ал жергілікті жанкүйерлер португалдық ойыншыны одан ары келемеждеп, "Месси, Месси" деп айқайлады. 

Ronaldo fake punches the Referee?
I love him man.pic.twitter.com/kCri4nFsFy

— ahm3.x (@_ahm3x) April 8, 2024

Роналду осы маусымда алғаш рет алаңнан қуылды. Кетер кезінде бас төреші мен жанкүйерлерге қол соғып шықты. 

Бұған дейін де Роналду алаңдағы жағымсыз қылығы үшін бір ойынға шеттетілген болатын. Ол кезде де жанкүйерлер аргентиналық футболшының есімін айтқан еді. 

Абу-Дабиде өткен ойында "Әл-Хилал" командасы 2:1 есебімен жеңіске жетіп, Сауд Арабиясы Суперкубогының финалына шықты.