Роналду Швейцарияны үйіне қайтарған соң жазба қалдырды

Португалия құрамасының капитаны Криштиану Роналду Қатардағы әлем чемпионатында командасы 1/8 финалда Швейцарияны ұтқаннан кейін әлеуметтік желіде жазба қалдырды, деп хабарлайды Vesti.kz тілшісі.

Аталмыш ойында Роналду қосалқы құрамда қалды. Ол тек 73-минутта алаңға шығып, матч соңына қарай салған голы офсайд деп есепке алынбады. Ойын 6:1 есебімен пиренейліктердің пайдасына аяқталды.

"Үлкен футбол жарысында ірі есеппен жеңіске жеттік. Португалия үшін естен кетпес тарихи күн! Біздің команданы құттықтауға болады. Таланттар мен мықты жастардан жиналған күшті құрам. Мақсатымыз айқын! Алға, Португалия!", - деп жазды Роналду әлеуметтік желіде.

Енді Португалия ширек финалда Марокко құрамасымен кездеседі.