Роналду Португалияның Катардағы жеңілісне қатысты ойын айтты

©Видеодан скрин

Криштиану Роналду Португалияның Катардағы футболдан әлем чемпионатынан шығып қалғанына қатысты пікір білдірді, деп хабарлайды Vesti.kz.

2022 жылғы әлем чемпионатының ширек финалында португалиялықтар Марокко командасынан 0-1 есебімен ұтылып қалды. Матчтен кейін Роналду көзіне жас алды. Ал енді Instagram желісінде ағынан жарылған үлкен пост жариялапты.

"Португалия құрамасында әлем чемпионатында жеңіс карьерамдағы ең үлкен және өршіл арман еді. Қуаныштымын, көптеген атақты жеңіп алдым, соның ішінде Португалия құрамасымен, бірақ оны ең жоғары деңгейге көтеру менің ең үлкен арманым болды.

Мен сол үшін күрестім. 16 жыл ішінде бес әлем чемпионатында мен миллиондаған португалиялықтың қолдауымен ұлы футболшылармен ойнадым. Мен барлық күшімді жұмсадым. Бар өнерімді алаңда көрсеттім. Мен ешқашан күрестен бас тартқан емеспін және бұл арманнан бас тартқан емеспін.

Амал не, кеше мен арманымнан айырылдым. Қызбалыққа салынғым келмейді. Көп айтылды, көп жазылды, көптеген спекуляция болды, бірақ мен Португалияға деген адалдығым бір сәтке де үзілмегенін бәріне білдіргім келеді. Мен әрқашан ортақ мақсаттар үшін күресетін адам болдым және ешқашан командаластарым мен елімнен бас тартпас едім.

Қазіргі уақытта айтарым жоқ. Рахмет, Португалия. Рахмет, Катар. Арманың барда бәрі тамаша еді... Енді бәрі тынышталып, әркім өзі ой қортар", - деп қосты футболшы.