"Әл-Наср" командасының португалдық шабуылшысы Криштиану Роналду мансабындағы 970-голын соқты, деп хабарлайды Vesti.kz.
Сауд Арабиясы чемпионатының 30-турында "Әл-Наср" өз алаңында "Әл-Ахлимен" кездесті. Ойында алаң иелері 2:0 есебімен жеңіске жетті.
Матчтағы бірінші голды 76-минутта Роналду соғып, есеп ашты. Ал ойын аяқталар тұста Кингсли Коман екінші голды еншісіне жазды.
30 турдан кейін "Әл-Наср" турнир көшін (78 ұпай) бастап тұр. Екінші орындағы "Әл-Хилалдан" 8 ұпайға озып келеді. Алайда олардың бір кем ойыны бар.