Роналду мақұлдаған Моуринью "Ювентусті" жаттықтырмайтын болды

Португалиялық маман Жозе Моуринью "Ювентусті" жаттықтырмайтын боды, - деп хабарлайды "Чемпионат" порталы Sky Sports сайтына сілтеме жасап. Басылым мәліметінше, бапкерді Криштиану Роналду мақұлдағанымен, туриндік клуб басшылығы потугалиялық маманды бұл қызметке қарастырып отырған жоқ.

Футболшы мен бапкердің агенттері бір - Жорже Мендеш. Форвард бапкермен мадридтік "Реалдан" бері жақсы таныс.

Испаниялық баспасөздің мәліметінше, Моуринью "Ювентус" ұсынысынан "Интерге" деген құрметі үшін бас тартқан, соңғысын маман 2008 және 2010 жылдар аралығы жатықтырған.

Еске салайық, жазда команданы бес жыл жаттықтырған Массимилиано Аллегри қызметінен кетеді.

Моуриньюдің соңғы жұмыс орны "Манчестер Юнайтед" болды. Маман "МЮ", "Реал" мен "Интерден" бөлек "Порту" және "Челси" командаларын жаттықтырған.

Роналду "Ювентуске" жаңа бас бапкер тапты