Роналду бесінші рет әке атанады

"Манчестер Юнайтед" шабуылшысы Криштиану Роналду бесінші рет әке атанады, деп жазады Vesti.kz тілшісі Hola басылымына сілтеме жасап.

Басылымның мәлімдеуінше, Роналдумен бірге тұрып жатқан сүйіктісі Джорджина Родригес 3 айдан бері аяғы ауыр. Бүгінгі таңда Криштианудың 2010 жылы суррогатты анадан туған кіші-Роналду, 2017 жылы Ева мен Матео есімді егіз және дәл сол жылы Джорджинадан туған Алана Мартина есімді қыздары бар.

Еске салайық, Роналду биылғы жылдың тамыз айында "қызыл сойқандар" сапына қайта ауысқан еді. Португалия құрамасымен 2016 жылы Еуропа чемпионатын жеңген Криштиану осыған дейін "Спортинг", "Реал Мадрид", "МЮ" және "Ювентус" клубтарында ойнаған.