Рибери інісінің әуесқойлар клубына өтуі үшін 30 мың еуро төледі

Мюнхендік "Бавария" жартылай қорғаушысы Франк Рибери 2010 жылы француздық әуесқойлар "Байонн" клубына өзінің туған інісі Франсуа команда сапында өнер көрсетуі үшін 33-35 мың еуро төлеген. Бұл туралы футбол агенті Кристофф Атто өз кітабында жазды, - деп хабарлайды ESPN.

"Рибери "Байонн" клубының қарыздарын төлеп берді, ол оның орнына Франсуа үшін ойын лицензиясын алды. Бұрындары ол "Кале" үшін өнер көрсетіп жүрген, алайда ол клуб банкротқа ұшырады. Алайда Франсу Рибери қайта-қайта жарақат алуына байланысты "Байонн" сапында үш-ақ ойынға қатысты. 

Еске салайық, Рибери 2007 жылдан бері "Бавария" сапында өнер көрсетіп келеді. Неміс қомандасының сапында ол жеті рет Германия чемпионы атанды, бес рет ел кубогын жеңіп алды, ал 2012/2013 маусымында Чемпиондар Лигасын жеңді. Франция құрамасы үшін Рибери 81 ойынға қатысып, 16 гол салды. 2006 жылы ол әлем чемпионатында күміс жүлдеге ие болды. 

Жартылай қорғаушының тағы бір інісі бар, Стивен, ол француздық "Газелек Аяччо" сапында ойнап жүр.