Ресейлік бапкердің Қазақстан құрамасымен қанша жылға келісімшарт жасағаны анықталды

44 жастағы ресейлік маман Магомед Адиев Қазақстан футбол федерациясымен қанша жылға келісімшарт жасағаны белгілі болды, деп жазады Vesti.kz тілшісі. 

ҚФФ бас бапкерді бүгін, 6 сәуір күні Футбол үйінде таныстырды. Бізге жеткен ақпарат бойынша Магомед Адиев Қазақстан құрамасымен бір жылдық келісімшарт жасаған. Егер бапкердің жұмысы ҚФФ-ға ұнайтын болса, тағы бір жылға ұзартуға болады. 

Айта кетейік, Магомед Адиев бірнеше танымал футбол клубтарда ойнады: "Анжи", "ЦСКА", "Спартак", "Терек" және қазақстандық "Жеңіс".

Бапкерлік мансабын 2010 жылы бастап, "Ахмат", "Анжи", "Чайка" командаларын жаттықтырды.

2021 жылы қарағандылық "Шахтер" футбол клубының бас бапкері қызметін атқарып, УЕФА Конференция лигасының плей-офф кезеңіне жетті. Сонымен қатар, қарағандылық ұжымды Қазақстан Кубогының финалына шығарды.