Ресейлік бапкер Сергей Кирьяков "Евро-Футбол.Ру" басылымына берген сұхбатында Германия құрамасын 2026 жылғы әлем чемпионатының басты фавориттерінің бірі деп атады, деп хабарлайды Vesti.kz.
"Менің ойымша, Германия 2026 жылғы әлем чемпионатының фавориті саналады. Немістер қай турнирге қатысса да, үнемі басты үміткерлердің қатарында болады. Қазір олардың құрамында өте мықты ойыншылар бар. Бұл команда топтық кезеңнен өтіп қана қоймай, финалға дейін жетуге қауқарлы", – деді Кирьяков.
2026 жылғы әлем чемпионаты АҚШ, Канада және Мексикада өтеді. Турнир 12 маусымда басталады және тарихта алғаш рет 48 ұлттық құраманың қатысуымен ұйымдастырылады.
Германия құрамасы топтық кезеңде Кюрасао, Эквадор және Кот-д’Ивуар құрамаларымен кездеседі.
Жарнама