"Реалдың" бас бапкері Карло Анчелотти команданың капитаны Карим Бенземаның жарақаты қаншалықты ауыр екенін айтты, деп жазады Vesti.kz тілшісі.
Бас бапкердің айтуынша, Бенземаның жарақаты ауыр емес. Ол жуырда қайта қатарға қосылады.
"Қазір Бенземаның жарақаты ауыр емес деп айта аламын. Аяғы ауырып тұрғаны анық. Бірақ жуырда біз оның тізесін тағы тексереміз. Бенземаны ауыстырғанда мен бұл Азардың ойыны екенін білдім. Себебі "Селтиктің" орталық қорғаушылары қысым жасамады. Бірінші таймда біз бұдан да жақсы ойнай алатын едік. Ал екінші тайм біз үшін керемет болды", - деп келтіреді Анчелоттидің сөзін УЕФА баспасөз қызметі.
Еске салайық, Бензема Чемпиондар лигасында "Селтикке" (0:3) қарсы матчтың бірінші таймында жарақат алған болатын.