Мюнхендік "Бавария" мадридтік "Реалды" екінші рет ұтып, Чемпиондар лигасының жартылай финалына өтті, деп хабарлайды Vesti.kz.
Германияда өткен қарымта матч 4:3 есебімен алаң иелерінің пайдасына аяқталды. Екі ойынның қорытындысы бойынша "Бавария" "Реалды" 6:4 есебімен жеңді.
Шоуға толы бірінші тайм
"Реал" матчты бірден қарқынды бастады - 1-минутта Арда Гюлер есеп ашты. "Бавария" тез жауап беріп, 6-минутта Йозуа Киммихтің пасын Александер Павлович голға айналдырды.
29-минутта Гюлер дубль авторы атанып, "Реалды" қайта алға шығарды. Бірақ 38-минутта Гарри Кейн есепті теңестірді.
42-минутта Винисиус берген пастан кейін Килиан Мбаппе тағы бір гол соғып, "Реалды" үзіліске 3:2 есебімен алға шығарды.
Екінші тайм және шешуші сәт
Екінші таймда ұзақ уақыт гол соғылмады. 86-минутта "Реал" ойыншысы Эдуарду Камавинга екінші сары қағаз алып, алаңнан қуылды.
"Бавария" сан басымдығын пайдаланып, 89-минутта Луис Диас есепті теңестірді - 3:3. Бұл нәтиже неміс клубына жеткілікті еді.
Алайда қосымша уақытта, 94-минутта Майкл Олисе шешуші гол соғып, "Баварияға" жеңіс сыйлады.
"Бавария" жартылай финалда қазіргі чемпион ПСЖ-мен кездеседі. Ал екінші жұпта "Атлетико" мен "Арсенал" ойнайды.
Жарнама