"Реалда" бал айын өткізіп жатырмын". Карло Анчелотти "корольдік" клубта ұзақ қалғысы келетінін айтты

21 қыркүйек 2021 17:19
©"Реал" ФК

"Реал" бас бапкері Карло Анчелотти "корольдік" клубта ұзақ уақытқа қалғысы келетіндігін мәлімдеді, деп хабарлайды Vesti.kz.

"Қазіргі таңда "Реалда" бал айын өткізіп жатырмын және осы командада ұзақ уақытқа қалғым келеді. Басқа ұжымдар секілді біз де маусымды ала-құла бастадық. Дегенмен "Реал" ойыншыларының командалық рухы мықты. Қиын-қыстау сәттерде мінез көрсетіп, маңызды ұпайларды алып отырдық", - дейді италиялық маман.

Еске салайық, 5 тур нәтижесі бойынша "бланкос" 13 ұпаймен турнир кестесінің көш басында келеді. Соңғы турда "Валенсияға" қонаққа барып, Анчелотти шәкірттері 86-минутқа дейін ұтылып жатқан еді. Кездесу соңына дейін Винисиус Жуниор таразы басын теңестірсе, Карим Бензема жеңіс голының авторы атанды.

Vesti.kz сайтын осы әлеуметтік желілерінде оқыңыздар

@vestisport @vestikzsport

Vesti-де Tik Tok та бар @vestikzsport

 

Метки: