Мадридтік "Реал" Испания чемпионатының 30-шы турында "Валенсиядан" ұтылды.
Ойын Валенсияның "Месталья" алаңында өтіп, алаң иелерінің жеңісімен аяқталды - 2.1. Есепті Гонсалу Гедеш ашты (35-ші минут) және Эсекиэль Гарай екінші голды салды (83-ші минут). "Реал" сапынан жалғыз голды Карим Бензема соқты (93-ші минут).
Бұл "Реалға" Зинедин Зиданның қайтып келгенен кейінгі алғашқы жеңілісі.
Ал "Валенсия" 77 жыл бұрынғы клубтық рекорд орнатты - жеңіліссіз 17 матч. 1941/42 жылғы маусымда команда барлық турнирде 16 матч ұтылмаған болатын.
"Валенсия" 46 ұпай жинап, турнир кестесінде бесінші, "Реал" (57 ұпай) үшінші келеді және бірінші тұрған "Барселонадан" 13 балл артта.
Жарнама