Мадридтік “Реал Мадрид” өз тәрбиеленушісі Нико Пасты италиялық “Комо” клубынан кері сатып алу опциясын іске қосуды шешті. Бұл туралы Fichajes.net-ке сілтеме жасаған Vesti.kz хабарлайды.
21 жастағы аргентиналық жартылай қорғаушы Серия А аясында Сеск Фабрегастың жетекшілігімен нағыз жаңалыққа айналды. Оның әсерлі статистикасы — 37 матчта 13 гол және 8 нәтижелі пас — «корольдік клуб» басшылығын ойыншыны қайтару процесін жеделдетуге итермеледі.
Мәміленің негізгі тұстары:
Мерзімі: “Реал Мадрид” трансферді 30 мамырға дейін аяқтауды көздеп отыр.
Себебі: Вальдебебаста ойыншы «Комо» деңгейінен өсіп кеткен және негізгі құрамның жартылай қорғанысын күшейтуге дайын деп есептейді.
Рөлі: Нико Пас тек ротация ойыншысы емес, келесі маусымнан бастап негізгі құрамдағы орын үшін нақты бәсекелес ретінде қарастырылып отыр.
Комо клубындағы сәтті кезең екі клуб арасындағы қарым-қатынасты нығайтты. Сол себепті осы бағытпен Италияға Реал Мадрид-тың басқа да талантты ойыншылары — Даниэль Яньес пен Хесус Фортеа жіберілуі мүмкін.
Жарнама