Мадридтік "Реал" 2026/27 жылғы маусымға арналған жаңа капитандар тобын бекітті, деп хабарлайды Vesti.kz Score90 басылымына сілтеме жасап.
"Корольдік клубтың" негізгі капитаны болып Уругвай құрамасының жартылай қорғаушысы Федерико Вальверде тағайындалды. Ол алғаш рет капитандық міндетті тұрақты негізде атқаратын болады.
Капитандар тобына кімдер енді?Жарияланған мәліметке сәйкес, капитандар иерархиясында Вальвердеден кейін мына футболшылар тұр:
Винисиус Жуниор;
Тибо Куртуа;
Родриго Гоис.
Сонымен қатар, Родриго жарақатына байланысты жаңа маусымның бір бөлігін өткізіп алады. Осы кезеңде оның капитандар тобындағы міндетін украиналық қақпашы Андрей Лунин атқарады.
Карвахаль кеткеннен кейінгі өзгерісӨткен маусымда "Реалдың" негізгі капитаны қорғаушы Дани Карвахаль болған еді. Оның орынбасарлары ретінде Федерико Вальверде, Тибо Куртуа және Винисиус Жуниор тіркелген болатын.
Алайда жазда 34 жастағы испаниялық футболшы келісімшарты аяқталған соң мадридтік клубтан кетті. Карвахаль "Реал" сапында 451 матч өткізіп, командамен бірге көптеген Испания және халықаралық турнирлердің жеңімпазы атанды.