Мадридтік "Реал" Испания чемпионатының 30-шы турында "Реал Сосьедад" командасын ұтты.
Сан-Себастьян қаласындағы "Аноэта" стадионында өткен кездесу 2:1 есебімен қонақтар пайдасына шешілді. Мадридтік команда сапында Серхио Рамос (50-ші минут) және Карим Бензема (70-ші минут), ал алаң иелерінен Микель Мерино (83-ші минут) гол салды.
Осы жеңісі арқылы "Реал" 65 ұпай жинап, турнир кестесінде қосымша көрсеткіштер бойынша "Барселонадан" асып түсті. "Реал Сосьедад" 47 ұпаймен алтыншы келеді.