Мадридтің "Реал" клубы франциялық шабуылшы Килиан Мбаппені 2025/26 жылғы маусым қорытындысы бойынша команданың үздік ойыншысы деп жариялады, деп хабарлайды Vesti.kz.
Клуб ішіндегі үстемдік
Өткен маусымда франциялық форвард "корольдік клуб" сапында төрт рет айдың үздік ойыншысы атанды. Сонымен қатар, ол соңғы екі жыл ішінде екінші мәрте маусымның үздік футболшысына берілетін клубтық марапатты жеңіп алды.
Мбаппенің статистикасы
2025/26 жылғы маусымда Килиан Мбаппе барлық турнирде 44 матч өткізіп, 42 гол соқты және жеті нәтижелі пас берді.
Сондай-ақ, франциялық шабуылшы Испания чемпионатының үздік сұрмергені атанып, Ла Лигада 25 голдың авторы болды.
Еске салайық, Франция құрамасының капитаны "Реал" клубына 2024 жылы еркін агент ретінде ауысқан еді. Бұған дейін ол "Пари Сен-Жермен" сапында өнер көрсетті.
Мбаппенің мадридтік клубпен жасасқан келісімшарты 2029 жылдың 30 маусымына дейін жарамды.
? @KMbappe
— Real Madrid C.F. (@realmadrid) May 27, 2026
✨ Jugador Cinco Estrellas
? Temporada 2025/26
⚽ @FutbolMahou pic.twitter.com/8ki2GantxT
Жарнама