Мадридтік "Реал" қиындықтарын шешудің түрлі жолдарын қарастыруда. Испаниялық клуб "Манчестер Сити" командасының басты жұлдызы Эрлинг Холандты сапына қосуды ойластырып отыр, деп хабарлайды Vesti.kz.
Мадридтіктердің президенті Флорентино Перес жазда клуб тарихындағы ең ауқымды трансферлердің бірін жүзеге асыруға дайын. Норвегиялық шабуылшының ауысуына кететін жалпы шығын шамамен 500 миллион еуроға жетуі мүмкін.
Бұл сомаға трансфер құны, агенттік төлемдер, келісімшарттық бонус және ойыншының айлығы кіреді. Журналист Патрик Бергерге сілтеме жасап отырған Madrid Zone басылымының мәліметінше, дәл осы қаржылық көлем "корольдік" клуб үшін негізгі шектеуші фактор болып отыр.
? BREAKING: Erling Haaland has a clearly defined career plan in mind, and he DEFINITELY wants to join Real Madrid at some point as part of that plan.
— Madrid Zone (@theMadridZone) January 15, 2026
He considers it his DREAM destination and his career GOAL. @berger_pj pic.twitter.com/1JBFjDePtF
Transfermarkt деректеріне сүйенсек, Холандтың нарықтық құны 200 миллион еуро. 25 жастағы шабуылшының "Манчестер Сити" клубымен келісімшарты 2034 жылға дейін жарамды.
Жарнама