"Реал" екінші рет қатарынан Чемпиондар лигасының финалына шықты

Мадридтік "Реал" "Атлетико" клубын екі матчтың қорытындысы бойынша жеңіп, екінші рет қатарынан Чемпиондар лигасының финалына шықты, - деп хабарлайды Sports.ru.

"Висенте Кальдерон" стадионында өткен жартылай финалдық қарымта ойын 2:1 есебімен алаң иелерінің пайдасына шешілді. "Атлетико" командасынан Сауль Нигьес (12-ші минутта) және Антуан Гризманн (16-шы минутта) гол соқты. "Реал" сапында Иско 42-ші минутта қақпаны дәл көздеді.

Айта кетейік, командалар арасындағы бірінші ойында "корольдік клуб" 3:0 есебімен жеңіске жеткен. Осылайша, Зинедин Зиданның шәкірттері 4:2 есебімен турнирдің финалына шығып отыр.

"Реал" Чемпиондар лигасын екі рет жеңіп алған тұңғыш команда болуы мүмкін. "Корольдік клуб турнирдің финалына соңғы төрт жылда үш рет, ал жалпы тарихта 15 рет шыққан. "

"Реал" осыған дейінгі 14 финалдың 11-інде жеңіске жеткен, оның ішінде соңғылары мына жылдары болған: 1998, 2000, 2002, 2014 және 2016.

Кардиффте 3 маусымда өтетін финалда "Реал" туриндік "Ювентуспен" ездеседі. Бұған дейін қарсыластар Чемпиондар лигасының финалында кездескен еді. 1998 жылы мадридтік команда жеңіп, соңғы 32 жылда Еуропаның бас жүлдесін қанжығаға байлаған болатын.

Әлеуметтік желілерде бөлісу