Мадридтің "Реал" әйелдер командасы Испания чемпионатының 24-туры аясында "Барселона" клубынан ірі есеппен ұтылды, деп хабарлайды Vesti.kz.
Кездесу Мадридте өтіп, 0:3 есебімен аяқталды. "Көк-анарлылар" сапында Она Батлье (18-минут) мен Алексия Путельяс (51-минут) гол соқты, ал үшінші доп "Реал" қорғаушысы Маэль Лакрардың (55-минут) автоголынан кейін тіркелді.
Осы жеңістен кейін Барселона 69 ұпай жинап, турнирлік кестедегі көшбасшылығын нығайтты. Ал Реал Мадрид 56 ұпаймен екінші орында келеді.
Келесі турда "Реал" сырт алаңда "Мадридпен" (5 сәуір) ойнаса, "Барселона" өз алаңында "Бадалонаны" (6 сәуір) қабылдайды.
Жарнама