Франциялық ПСЖ Чемпиондар лигасының 2026/27 жылғы негізгі кезеңін ірі жеңіспен бастады, деп хабарлайды Vesti.kz.
Турнирдің қазіргі жеңімпазы мәртебесіндегі париждік клуб "Слованды" ойсыратып, қарсыласының қақпасына алты гол соқты. ПСЖ бірінші таймның ортасында-ақ есеп ашты. 17-минутта Усман Дембеле мергендік танытса, араға небәрі алты минут салып, франциялық шабуылшы дубль жасады.
31-минутта голдар додасына Ферран Торрес қосылды. Испаниялық шабуылшы үзілістен кейін бірден екінші голын соғып, есепті 4:0-ге жеткізді. 57-минутта Торрес өзінің жеке көрсеткішін хет-трикке жеткізді.
"Слован" тек бір рет жауап бере алды. 59-минутта Сулейман Камара командасының жалғыз голын соқты. Алайда кездесудегі соңғы сөз ПСЖ ойыншыларында қалды. 88-минутта Фабиан Руис қорытынды есепті белгілеп, париждіктер 6:1 есебімен жеңіске жетті.
Чемпиондар лигасының негізгі кезеңіндегі 2-турда ПСЖ 14 қазанда "Манчестер Ситимен" кездеседі. Сол күні "Слован" "Штутгартқа" қарсы ойнайды.
Жарнама