Франция құрамасы мен "Пари Сен-Жермен" клубының бұрынғы қорғаушысы Преснель Кимпембе ресми түрде жаңа командаға ауысты, деп хабарлайды Vesti.kz.
Әлем чемпионы карьерасын Катарда жалғастырады30 жастағы футболшы Катардың екінші дивизионында өнер көрсететін "Әл-Харитият" клубымен бір жылдық келісімшартқа қол қойды.
Қорғаушы жаңа командаға "Катар СК"-мен келісімшарты аяқталғаннан кейін еркін агент ретінде қосылды.
Өткен маусымда "Әл-Харитият" Катардың екінші дивизионында екінші орын алып, жоғары лигаға шығу үшін өтпелі матчқа қатысу мүмкіндігіне ие болған.
Алайда шешуші кездесуде команда "Әл-Шаханиядан" 0:3 есебімен ұтылып, элиталық дивизионға жолдама ала алмады.
Чемпиондар лигасынан Катарға дейінПреснель Кимпембе - ПСЖ академиясының түлегі. Ол Париж клубының жүйесінде шамамен 20 жыл өткізді.
2025 жылы франциялық қорғаушы ПСЖ-ға клуб тарихындағы алғашқы УЕФА Чемпиондар лигасының жеңісіне қол жеткізуге көмектесті. Сол жылдың күзінде командадан кетіп, "Катар СК" сапына ауысып, клуб сапында 11 матч өткізді.
Айта кетейік, бұл трансферге дейін қорғаушы сіңірін созып алып, екі жылға жуық уақыт бойы қалпына келіп, ұзақ мерзім алаңнан тыс қалған болатын.