"Монако" клубы Чемпиондар лигасының 1/16 финалындағы алғашқы матчта "Пари Сен-Жермен" командасына есе жіберді, деп хабарлайды Vesti.kz.
Кездесу Монакодағы "Луи II" стадионында өтіп, 2:3 есебімен аяқталды. Алаң иелері 2:0 есебімен алға шыққанымен, басымдықты сақтай алмады. Париждік клуб камбэк жасап, маңызды жеңіске қол жеткізді.
Сонымен қатар, "Монако" 48-минутта Александр Головин қызыл қағаз алғаннан кейін матчтың қалған бөлігін он ойыншымен өткізді.
"Монако" сапында дубльді Фоларин Балоган соқты (1 және 18-минуттар). Париждіктер қатарында Дезире Дуэ екі мәрте мергендік танытты (29, 67), ал тағы бір голды Ашраф Хакими 41-минутта соқты. Айта кетейік, 22-минутта ПСЖ жартылай қорғаушысы Витинья пенальтиді мүлт жіберді.
Қарымта кездесу 25 ақпанда Парижде өтеді.
Жарнама