ПСЖ президенті Нассер Аль-Хелайфи "Барселонаның" қаржылық мәселені шешуі жолдарына қатысты ойын айтты, деп хабарлайды Vesti.kz сайты Relevo басылымына сілтеме жасап.
Жазда каталондық клуб телетрансляциялау құқығы мен активінің біраз бөлігін сатып пайда көрген. Бұл испаниялық клубқа қаржылық жағдайын түзеп, трансферлер жасауға көмектесті.
"Бұл әділ ме? Жоқ. Заңды ма? Сенімді емеспін. Егер оларға бұл рұқсат етілсе, өзгелерге де рұқсат беріледі. УЕФА-ның өзінде қаржы реттеушісі бар. Мұның бәріне лайықты баға беріледі", - деді париждік клуб президенті.