Португалия ұлттық құрамасының бас бапкері Роберто Мартинес өз қызметінен кететінін мәлімдеді, деп хабарлайды Vesti.kz. Бұл туралы ол Испаниядан 2026 жылғы әлем чемпионатының 1/8 финалындағы жеңілістен мәлімдеді.
Кездесу АҚШ-тың Техас штатындағы Арлингтон қаласында өтіп, Испания құрамасы 1:0 есебімен жеңіске жетті. Матчтағы жалғыз голды негізгі уақытқа қосылған 90+1-минутта Микель Мерино соқты.
"Бұл шешім әлем чемпионатына дейін қабылданды ма? Жоқ, түпкілікті шешім қабылданды деп ойламаймын. Мен Португалияға әлем чемпионатын жеңіп алу үшін келдім. Егер бұл мақсат орындалмаса, жұмысымды жалғастырудың мәні жоқ деп есептеймін.
Енді директорлар кеңесі мен президенттің жаңа бас бапкерді таңдауға мүмкіндігі бар. Президент менің жұмысыма әрдайым қолдау көрсетті, бірақ, келісімшартым бүгін аяқталады. Бұдан артық айтарым жоқ", – деді Мартинеске сілтеме жасаған Record басылымы.
Испаниялық маман Португалия құрамасын 2023 жылдың қаңтарында тізгіндеген болатын. Оның жетекшілігімен команда 2025 жылы Ұлттар лигасының жеңімпазы атанды. Алайда 2026 жылғы әлем чемпионатындағы жорығын 1/8 финал кезеңінде аяқтады.
Еске салайық, Испания Португалияны жеңгеннен кейін ширек финалға жолдама алып, енді келесі кезеңде Бельгия құрамасымен ойнайды.
Жарнама