Португалия құрамасы 2026 жылғы футболдан әлем чемпионатының 1/8 финалына өтті, деп хабарлайды Vesti.kz.
Торонто қаласында өткен 1/16 финал матчінде Криштиану Роналду бастаған команда Хорватияны 2:1 есебімен ұтты.
Есепті 53-минутта хорваттар ашты. Иван Перишич мергендігімен көзге түсті.
Арада он минут өтпей Криштиану Роналду таразы басын теңестіргендей болды. Алайда VAR тексерісінен кейін офсайд тіркеліп, гол есепке алынбады.
68-минутта Португалия пенальти орындау мүмкіндігіне ие болды. Доптың қасына келген Роналду алғашқы соққысынан кейін қайтарылған допты өзі қайта теуіп, есепті 1:1-ге жеткізді.
81-минутта Петар Сучич Хорватияны қайта алға шығарғандай көрінді. Бірақ бұл гол да офсайдқа байланысты есепке алынбады. Осыдан кейін Роналдуның орнына Рубен Невеш алаңға шықты.
Қосымша уақыттың 94-минутында Гонсалу Рамуш Португалияның жеңіс голын соғып, командасын келесі кезеңге алып шықты.
113-минутта хорваттар есепті теңестіргенімен, бұл гол да офсайд салдарынан есептелимеді.
Енді әлем чемпионатының 1/8 финалында Роналду бастаған Португалия құрамасы бұған дейін Аустрияны ірі есеппен ұтқан Испаниямен кездеседі.