Футболдан Польша құрамасының бас бапкері Паулу Соуза қызметінен кетті, деп хабарлайды Vesti.kz тілшісі.
Бразилиялық маман аталмыш міндеттен өз еркімен кеткен. Осыған орай, келісімшартта жазылғандай ол Польша футбол федерациясына қызметін орта жолда тастағаны үшін 300 мың еуро айыппұл төлейді.
Бапкердің орта жолда не себепті мұндай шешім қабылдағаны белгілі болды. Себебі Соуза Бразилия чемпионатында өнер көрсететін "Фламенго" клубының тізгінін ұстады. Келісім бойынша 51 жастағы Паулу Соуза жаңа командасын 2 жыл жаттықтырады.
Еске салайық, Польша құрамасы әлем чемпионатының іріктеу турниріне тікелей жолдама ала алмай, өтпелі ойындар өткізеді. Польшаның тобында Ресей командасы бар.