Франциялық жартылай қорғаушы Поль Погба жазғы трансферлік кезеңде "Манчестер Юнайтед" командасынан кетеді. Бұл туралы Mirror басылымы хабарлады.
Дереккөздің ақпараты бойынша, 29 жастағы футболшы командаластарына бұл шешімді айтып, "Манчестер Юнайтед" футболшыларының чатынан шығып кеткен.
Айта кетейік, франциялық жартылай қорғаушының "Манчестер Юнайтедпен" келісімшарты маусым соңында аяқталады. Ағылшындық команданың бас бапкері Ральф Рангниктің айтуынша, Погба келісімшартты ұзартуға ниетті емес. Неміс маманы сондай-ақ футболшының жарақатына байланысты маусым соңына дейін ойнамайтынын да мәлімдеді.