Мадридтік «Реалдың» президенті Флорентино Перес «корольдік клубтың» тізгінін ұстаған Альваро Арбелоаның болашағына қатысты нақты шешім қабылдады, деп хабарлайды Vesti.kz.
Басы қатты болды
Арбелоаның бас бапкер қызметіне тағайындалуы «Реал» үшін қиын кезеңмен тұспа-тұс келді. Оның жетекшілігімен мадридтіктер Испания Кубогынан күтпеген жерден шығып қалды. Мадридтік екінші дивизиондағы «Альбасетеден» 2:3 есебімен ұтылды. Бұл нәтиже бапкерлік штабта өзгерістер болуы мүмкін деген қауесеттердің таралуына себеп болды.
Алғашқы жеңіс және басшылықтың жұмсаруы
Алайда келесі матчта Арбелоа «Реалдың» бас бапкері ретіндегі бірінші матчінде жеңіске жетті. Ла Лиганың 20-турында мадридтік клуб «Левантені» 2:0 есебімен ұтты. Бұл табыс команда үшін де, жас бапкер үшін де маңызды психологиялық серпіліс болды.
Перестің шешімі
AS басылымының мәліметінше, Флорентино Перес нақты ұстанымға келді: егер күтпеген жағдай орын алмаса, Альваро Арбелоа маусым соңына дейін бас бапкер қызметінде қалады. Ал маманның одан арғы тағдыры команданың нәтижесіне және маусым соңына дейін жеңіп алатын трофейлер санына тікелей байланысты болмақ.
Альваро Арбелоа кім?
Еске сала кетейік, 12 қаңтарда «Реал» клубы Хаби Алонсемен өзара келісім бойынша ынтымақтастықты тоқтататынын ресми түрде жариялаған болатын. Оның орнына жастар командасы - «Кастильяның» бас бапкері Альваро Арбелоа тағайындалып, өзін ең жоғары деңгейде дәлелдеуге мүмкіндік алды.
? @aarbeloa17: "En la segunda parte han cambiado muchas cosas".
— Real Madrid C.F. (@realmadrid) January 17, 2026
?️ Rueda de prensa ➡️ RM Play
Футболшы ретінде Арбелоа мадридтік «Реалдың» алтын дәуірінің бір бөлшегі болды. Ол клуб сапында 2009–2016 жылдары өнер көрсетіп, 238 ресми матч өткізді және 8 трофей жеңіп алды. Оның жетістіктері қатарында екі мәрте Чемпиондар лигасының жеңісі, клубтар арасындағы әлем чемпионаты, УЕФА Суперкубогы, Ла Лига чемпиондығы, Испания Кубогының екі мәрте иегері және ұлттық Суперкубок бар.
Жарнама