Габон құрамасының шабуылшысы Пьер-Эмерик Обамеянг "Арсенал" сапында капитандық міндетінен айырылды, деп жазады Vesti.kz тілшісі.
Бұл туралы клубтың ресми сайты мәлімдеді. Клубтың мұндай шешім қабылдауына 32 жастағы футболшының ішкі тәртіптің бұзуына орай болып отыр. Осыған қатысты бас бапкер Микель Артета Премьер-лиганың 16-турында "Саутгемптон" ұжымына қарсы матчта габондықты алаңға шығармады.
Еске салайық, Обамеянг Дортмундтың "Боруссиясынан" Лондонның "Арсеналына" 2018 жылы ауысып, осы уақыт аралығында Англия Кубогі мен Англия Суперкубогін иеленді.