Футболдан Қазақстан ұлттық құрамасының бас бапкері Али Алиев өз алаңында Уэльстен ұтылғанына қатысты пікір білдірді, деп хабарлайды Vesti.kz.
Бапкер шабуылшы ойыншыларды атап өтіп, бапкерлік штаб үшін доптың қарсылас қақпасына неге кірмегенін түсіну әлі де жұмбақ екенін айтты.
"Мұндай матчтан кейін сөйлесу өте қиын, шынымды айтсам. Бар эмоция таусылды. Матчтың басы біз үшін сәл ауыр басталды – күш бар кезде, басымдықты аздап қарсыласқа беріп қойдық. Бірақ жігіттер дұрыс қорғанды. Тек екінші таймда кейбір сәттерді түзеттік. Бірінші таймда қарсыласта аса қауіпті сәттер болмады. Біз тек шыдауымыз керек еді.
Екінші таймда бізде арнайы стратегия болды – жасанды алаң, жанкүйерлер қолдауы. Біз белгілі бір уақыт өткен соң шаршау басталатынын білдік. Сондықтан екінші таймда өзгерістер енгіздік. Сол кезде жігіттер өз күштеріне кірді, біз қалаған ойынды көрсете бастады. Өкінішке қарай, бүгін де, Солтүстік Македониямен болған матчтағыдай, сәттілік бізден теріс айналды. Бірақ барлығы еңбек пен тынымсыз жұмыс арқылы келеді. Біз жігіттерге алғыс айттық, жанкүйерлерге де алғысымыз шексіз. Олар үшін, ел үшін күресті. Бірақ өкінішке қарай, доп тағы да қақпа сызығын кесіп өте алмады. Екі ойында бес рет бағанаға және көлденеңінен кетті", – деді Алиев.
"Бізде шабуыл ғаламат"
"Бапкерлер штабы болып отырып, екі ойында не болып жатқанын өзіміз де түсіне алмай отырмыз – бес рет қақпа маңдайшасына тиіп жатыр. Доп айып алаңында ұшып жүр, бірақ, соңғы соққыны кім жасайтынын дұрыс таңдау жетіспей жатыр.
Мүмкін, бұл бір жағынан шеберлікке де байланысты. Мысалы, Ғалымжан Кенжебекті алсақ, ол "Елімай" сапында төрт гол соқты, бірақ төртеуі де пенальтиден. Жалпы ойынды талдасақ, оның көптеген мүмкіндіктері болды. Бұл бағытта жұмыс істеу керек, бәрі еңбек пен төзімділік арқылы келеді.
Бізде керемет шабуыл желісі бар – Самородов, Кенжебек, Чесноков, Сатпаев – бұл нағыз шабуылшылар оранжереясы. Егер жігіттер шабуылдың соңғы сатысына шынайы ықыласпен кіріссе, онда доп міндетті түрде қақпаға кіреді деп ойлаймын", – деді бас бапкер.
Айта кетейік, 2026 жылғы Әлем чемпионатына іріктеу аясындағы "Астана Аренада" өткен матчта Алиев командасы 0:1 есебімен ұтылды. Келесі турда Қазақстан құрамасы Бельгиямен сырт алаңда ойнайды.
Жарнама