Ертең, 2 маусымда Қазақстан уақыты бойынша таңертең футболдан Өзбекстан ұлттық құрамасы Канада құрамасына қарсы жолдастық матч өткізеді, деп хабарлайды Vesti.kz.
Фабио Каннаваро жаттықтыратын команда 2026 жылғы әлем чемпионатының қожайындарының бірі – Канада құрамасымен кездеседі. Ойын Канаданың Эдмонтон қаласындағы 56 мың көрерменге арналған "Ынтымақтастық" стадионында өтеді.
Кездесу Қазақстан уақыты бойынша таңғы 06:00-де басталады. Матчтың тікелей трансляциясын мына сілтеме арқылы тамашалай аласыз.
Өзбекстан құрамасы әлем чемпионатына дайындалуда
Өзбекстан құрамасы бұған дейін АҚШ-қа келіп, Нью-Йорк қаласында орналасқан болатын. Команда қазіргі уақытта әлем чемпионатына дайындық жұмыстарын жүргізіп жатыр. Ал мундиаль барысында Фабио Каннавароның шәкірттері Атланта қаласында болады.
Ал Канадамен жолдастық кездесу өткізу үшін Өзбекстан командасы Эдмонтон қаласына барды.
2026 жылғы әлем чемпионатының топтық кезеңінде Өзбекстан құрамасы К тобында өнер көрсетеді.
Өзбекстандықтардың қарсыластары:
Колумбия;
Португалия;
Конго Демократиялық Республикасы.
Ал Канада құрамасы В тобында сынға түседі.
Канадалықтардың қарсыластары:
Босния және Герцеговина;
Қатар;
Швейцария.
Айта кетейік, 2026 жылғы әлем чемпионаты АҚШ, Канада және Мексикада өтеді. Өзбекстан құрамасы тарихта алғаш рет әлем біріншілігінің финалдық кезеңіне қатысқалы отыр.
Жарнама