Өзі қарсы қылып алды. Мессиді қай елде жақтырмайтыны айтылды

Леонель Мессимен бірге "Интер Майами" сапында өнер көрсетіп жүрген Федерико Редондо Латын Америкасының қай елінде аргентиналық шабулышыны онша ұната қоймайтынын айтты, деп жазады Goal.  

Футболшының сөзінше, "Алтын доп" марапатын сегіз рет иеленген аргентиналықты өңірде жақтырмайтын жалғыз ел ол - Мексика екен.

"Бүкіл Латын Америкасында реніштен бе екен немесе басқа себеп, Леоның ойынын тамашалаудан ләззәт алмайтын Мексика ғана", - дейді Редондо.

Мұның себебі футболдағы ескі текетірестер екені айтылады. Аргентина құрамасымен Месси әлем чемпионаттарын қоса алғанда мексикалық командаға қарсы талай ойнаған еді. 

Мессиді жақтырмауға себеп болған нақты бір мысал:

"Интер Майами" мен мексикалық "Америка" арасындағы жолдастық кездесуден кейн Месси трибунаға қарап үш саусағын көтерген еді. Бұл Аргентинаның үш рет әлем чемпионатын жеңгенін меңзеуі еді, ал Месика бұл турнир титулын бірде-бір рет алмаған. 

Осыдан кейін Мексика құрамасының жанкүйерлерінде Мессиге қарсы наразылық туып, оның Мексикдағы беделіне нұқсан келді.