Өз алаңында "Атлетикодан" ұтылған "МЮ" Чемпиондар лигасынан шығып қалды
Чемпиондар лигасы ширек финалына өткен тағы екі команда анықталды, деп хабарлайды Vesti.kz. Жарыс жолын "Атлетико" мен "Бенфика" жалғастыратын болды.
Мадридтік клуб 1/8 кезеңдегі қарымта ойында "Манчестер Юнайтедті" ұтып кетті. "Олд Траффорд" стадионында өткен матч 1:0 есебімен аяқталды. Шешуші жалғыз голды Ренан Лоди бірінші тайм соңында салды. Криштиану Роналду алаңға негізгі құраммен шыққанымен ештеңе істей алмады.
? Ренан Лоди открывает счет на "Олд Траффорд" ⚽️#ЛигаЧемпионов pic.twitter.com/bHHoMKSRXs
— УЕФА (@UEFAcom_ru) March 15, 2022
Командалардың бірінші матчі Испанияда өтіп, тең аяқталған еді - 1:1.
"Бенфика" Нидерланды жерінде өткен ойында "Аяксты" ұтты. Дарвин Нуньес 77-минутта салған голдан кейін есеп өзгерген жоқ. Португалиядағы бірінші кездесу тең есеппен біткен - 2:2.
Еске салайық, мұның алдында 1/4 финалға "Реал", "Манчестер Сити", "Бавария" және "Ливерпуль" өткен. Алда "Лилль" - "Челси" және "Ювентус" - "Вильярреал" ойындары бар. Ширек финал жеребесі 18 наурызда тартылады.
Загрузка матч-центра...
Жарнама