Ойын кезіндегі жағдай 20-ға толмаған футболшының өмірін қиды

Испаниялық "Колиндрес" клубының 19 жастағы қақпашысы Рауль Рамирес басынан ауыр жарақат алғаннан кейін көз жұмды, деп хабарлайды Vesti.kz.

Қайғылы жағдай бесінші дивизиондағы "Ревилья" командасына қарсы өткен матч кезінде болды. Қақпашы қарсылас команда ойыншымен қақтығысып, басынан соққы алып, есінен танып қалған.

Алғашқы медициналық көмекті команданың бас бапкері Рафа де Пенья көрсетті, кейін жанкүйерлер арасындағы медбике де көмектескен. Дәрігерлердің барлық күш-жігеріне қарамастан, футболшының жүрегі екі рет тоқтап қалды – алғаш рет алаңда, кейін жедел жәрдем көлігінде. Ауруханада жас спортшының өмірін сақтап қалу мүмкін болмапты.

Испания Корольдік футбол федерациясы (RFEF) Рамирестің отбасы, туыстары мен командаластарына көңіл айтты:

"Ешкім мұндай жас шағында өмірден кетпеуі тиіс. Жаның жаннатта болсын".

⚫ La RFEF se une al dolor de los familiares, amigos y compañeros de Raúl Ramírez Osorio, guardameta del CD Colindres fallecido en el día de hoy.

Todo nuestro apoyo y ánimo al fútbol cántabro. Nadie debería irse tan pronto.

Descanse en paz. pic.twitter.com/GG25hhHSzA

— RFEF (@rfef) September 29, 2025