Шымкенттік "Ордабасы" украиналық жартылай қорғаушы Владислав Наумецпен келісімшартқа отырғанын жариялады, деп хабарлайды Vesti.kz.
"Владислав Наумец – "Ордабасы" футбол клубының ойыншысы", – деп мәлімдеді клубтың баспасөз қызметі.
Жаңа ойыншы "Динамо Киев" клубының түлегі. Бұған дейін ол Грекияның ПАС клубында, сондай-ақ Украинадағы "Черноморец" пен ЛНЗ командаларында ойнаған.
Авторитетті Transfermarkt порталының мәліметінше, 26 жастағы футболшының нарықтық құны – 300 мың еуро.
Еске салайық, қазіргі таңда "Ордабасы" 19 ұпай жинап, ҚПЛ-2025 турнирлік кестесінде жетінші орында тұр.
Жарнама