"Ордабасы" шабуылшысы токиолық клубқа өтті

Сербиялық форвард Неманья Коич жапониялық "Токио Верди" клубына ауысты, - деп хабарлайды Vesti.kz.

Келісімшарт бір жылға есептелген.

28 жастағы Коич 2018 жылы жазда түркиялық "Истанбулспордан" шымкенттік "Ордабасыға" өткен. Шабуылшы КПЛ-дегі 13 ойында үш рет гол салып, бір нәтижелі пас берді. Сонымен қоса, екі ескерту алған. 

Сонымен қатар, ол "Рад", "Партизан", "Газиантеп", "Раднички" сияқты клубтар үшін де ойнаған.

Айта кетейік, қысқы маусым аралығында "Ордабасыдан" Жасұлан Молдақараев, Еркебұлан Тұңғышбаев, Лука Муженяк, Танат Нөсербаев кетті, ал Қайрат Әшірбеков карьерасын аяқтап, кубтың спорт директоры болды.

КПЛ-дегі барлдық клубтардың трансферін біздің кестеден бақылап отыруға болады.