"Ордабасы" ресейлік клуб капитанына ұсыныс жасады
Шымкенттік "Ордабасы" ресейлік "Химки" капитаны Дмитрий Тихийге қызығып отыр, - деп хабарлайды "Матч ТВ".
Ақпарат бойынша, қазақстандық клуб 27 жастағы қорғаушыға ұсыныс жасаған екен.
Мұның алдында "Ордабасы" сапына ҰФЛ-дің (Ресейдің екінші дивизионы) басқа ойыншысы - "Енисейдің" қорғаушысы Александр Клещенко өткен болатын.
Сонымен бірге, Тихий "Ордабасы" ұсынысын басты ретінде қарастырып отырған жоқ, өйткені ол карьерасын Ресей премьер-лигасында жалғастырғысы келеді. ҰФЛ-дің қазіргі біріншілігінде 27 жастағы футболшы 24 матчте ойнады. Бұған дейін Тихий "Луч", "Факел" мен "Томь" командаларында өнер көрсеткен.