Шымкенттің "Ордабасы" футбол клубы Конференция лигасын бірінші іріктеу кезеңнен бастайды, - деп хабарлайды Vesti.kz.
Бірінші іріктеуде Кутаисидің "Торпедо" командасы қарсылас атанды. Бірінші кезең матчтары 10 және 17 шілде күндері, ал екінші кезең матчтары 24 және 31 шілде күндері өтеді деп жоспарланған.
Екі команда арасындағы алғашқы ойын 10 шілде күні өтеді. Ал қарымта кездесу 17 шілдеде Шымкентте болады.
"Ордабасы" мен "Торпедо" алты жыл бұрын Еуропа лигасының іріктеуінде ойнаған. Ол кезде қазақстандық клуб екі ойын қорытындысы бойынша 3:0 (1:0, 2:0) есебімен келесі кезеңге өткен болатын.
Жарнама