Шымкенттің "Ордабасы" футбол клубы шабуылшы Вячеслав Швыревпен келісімшартты үзгенін мәлім етті, - деп хабарлайды Vesti.kz.
– Екі тараптың келісімі бойынша Вячеслав Швырёвпен келісімшарт бұзылды. Вячеславқа кәсіби мансабында сәттілік тілейміз, - деп жазды клубтың баспасөз қызметі.
24 жастағы ойыншы шымкенттік клуб сапына жыл басында еркін агент ретінде қосылған болатын. Барлығы 7 матчқа қатысып, нәтижелі әрекетімен көзге түскен жоқ.
Посмотреть эту публикацию в Instagram
"Ордабасы" клубына ауысқанға дейін Швырев Алматының "Қайрат" клубында ойнаған, ол – осы клубтың түлегі. Сонымен қатар оның кәсіби мансабында Оралдың "Ақжайық" командасы да бар.
Әртүрлі жылдары футболшы Қазақстанның 17 жасқа дейінгі және 21 жасқа дейінгі жастар құрамаларына шақырылған.
Жарнама