"Өмір бойына футболдан шеттетілуі мүмкін". Допинг маманы Валиуллиннің жағдайы жайлы

Футболдан Қазақстан құрамасының қорғаушысы Руслан Валиуллин толық ақталып шығуы да мүмкін немесе спорттық карьерасын аяқтауы ықтимал. Мұндай пікірді Vesti.kz тілшісіне берген сұқбатында Қазақстан ұлттық антидопинг орталығының жетекшісі Майра Бакашева айтты. Ол футболшының карьерасын құтқарып қалуға болатынын және бұл жағдайдың алдын қалай алуға болатыны туралы ойымен бөлісті. 

- Мен бұл жағдайды тек ғаламтордан ғана оқыдым. Антидопинг орталығына әлі УЕФА-дан хабар келмеді. Маман ретінде менің пікірім мынадай. Бұл жоғары деңгейдегі спортшы. Ол ауыратлет, балуан және басқа спортшылар секілді ережені білуі керек еді. Бірақ ол қандай дәрмек қабылдап жатқанын білмеді. Дегенмен бұл жағдай оны ақтап алмайды. Яғни, оны ешкім кешіре салмайды. Ол ұлттық құраманың өкілі. Сол үшін де жазадан қашып құтыла алмайды. 

- Валиуллин қандай жазаға тартылуы мүмкін?

- Өкінішке қарай, мен қазір бұл спортшыдан қандай дәрумен табылғанын білмеймін. Жаза мерзімі де дәруменге байланысты шығарылады. Негізі орташа жаза - төрт жыл. Мысалы, Бауыржан Исламханның мәселесі ерекше болды. Ол қосымша күш беретін дәрумек қолданды деп айыпталды. Бізде қолдануға рұқсат етілмеген допинг тізімі бар. Алайда ол дәрмектердің өзі бірнеше топқа бөлінеді. Егер спортшы бұл жағдайда өзінің кінәлі емес екенін, өзінің бей-жай қарамайтынын дәлелдесе - санкциядан аман қалатын шығар. Одан бөлек, футболшының кінәсі кішкентай болса жаза мерзімі де қысқартылады. Көп нәрсе допинг қызметкерлері алған мәліметтерге байланысты. Мүмкін бұл спортшыда мұндай дәруменді қолдану дәрігерден рұқсат бар шығар. Немесе ол кінәлі емес болуы ғажап емес. Енді барлығы қорғаушыларға (адвокатқа) тікелей байланысты болады. Кері жағдайда ол өмір бойына спорттан шеттеледі. 

- Қазақстан құрамасының футболшысы осымен екінші рет допингпен ұсталды. Неге бұлай болып жатыр?

- Біз негізі бұл мәселені Исламханның шеттелгеніне дейін айтқан едік. Футбол - допинг ең көп табылатын спорт түрі. Біздің футбол шенеуніктері футболдың таза спорт екенін айтып ақталады. Бірақ футболшылардан допинг-сынама сирек алынады. Тек жарыстарда ғана. Әрине, бұл жерде допингпен ұсталған спортшылардың саны допинг-сынаманың қаншалықты жиі алуына байланысты. Футболдағы допинг дауы - бұрыннан бері келе жатқан мәселе. Ал Исламханның жағдайы бұл мәселеге назар аударта ма деген ой болды. Дегенмен жағдай мүлде өзгермеді. Бізде бірге жұмыс істеу туралы меморандум бар. Өкінішке қарай, біз сол құжатқа қол қайғаннан кейін ары қарай бірге жұмыс істемедік. Сөйтіп осындай жағдайға қайта тап болып отырмыз. 

Еске салайық, Руслан Валиуллин әлем чемпионатының іріктеуінде Украинаға қарсы ойнап, екі гол соққан еді. Ал кейін Финляндия мен Босния және Герцеговина құрамаларына қарсы кездесуге қатыспады. Кеше қорғаушының допингпен ұсталғаны анықталды.