"Оличтің ұлттық құрамаға қосылғанына қуаныштымын". Дуе Чалета-Цар

"Өкінішке қарай, Оличтің ЦСКА сапында жолы болмады. Жаттықтырушы ретінде өзін толыққанды көрсетуіне мүмкіндік берілмеді. Дегенмен, Хорватия құрамасының бапкерлік штабына қайта қосылғанына қуаныштымын", - дейді Чалета-Цар Хорватия мен Испания арасындағы Еуро-2020 турнирінің 1/8 финалының алдындағы баспасөз мәслихатында. 

Еске салсақ, Ивица Олич наурыз айында қызметінен кеткен Виктор Гончаренконың орнына ЦСКА тізгінін ұстаған болатын. Алайда Ресей чемпионаты аяқталысымен клуб басшылығымен сөзге келген балқандық бапкер қызметінен кетуіне тура келген. Нәтижесінде армияшылар клубын Алексей Березуцкий жаттықтыратыны жайлы хабар тараған еді. Ал Березуцкийдің көмекшісі болып "Тобылдан" кеткен Григорий Бабаян тағайындалды.